UN CAMPO DE FLORES CON HERVÉ TULLET: A PRIMAVERA

Preme aquí antes de comezar a ler.

O martes 20 de marzo foi un día moi especial para as nenas e os nenos da clase. Todos o tiñan claro: ¡Hoxe comeza a primavera! Un día tan importante merece ser homenaxeado por todo o alto. Así pois, levamos a cabo un obradoiro de arte proposto por Hervé Tullet na súa obra. "Diviértete. Talleres de arte con Hervé Tullet". En concreto, desenvolvimos o obradoiro titulado: "Un campo de flores". No que, de xeito cooperativo, o alumnado pintou un campo de flores nun mural xigante. 

Para o desenvolvemento da proposta contamos coa axuda de Andrea, a mamá de Robert.

Cando o mural xa estaba rematado fixemos un baile homenaxe a primavera ao son de:

"O Vals das Flores"

Este é o resultado final!!

PROXECTO: COIDAMOS AOS ANIMAIS

Desde que comezamos o proxecto sobre o coidado e respecto polos animais levamos moito aprendido. Alumnado, familias e unha servidora estamos a disfrutar moito deste proxecto. Aprendemos moito uns dos outros, xa que todos están moi implicados neste proxecto.
Nesta entrada se pon de manifesto a implicación das familias no proceso de ensinanza e aprendizaxe.
Propúxenlle ás familias que podían asistir á aula para presentar as mascotas da casa, facendo fincapé na responsabilidade que implica ter animais de compañía.

A egua LUNA

O can LOLO

As tartarugas de auga NICO e GANDI

Os chibos - chibóns PINTA E BORRALLA

A gata CLEO

As tartarugas de terra PEPPA E GEORGE

Tamén nos visitaron dous colaboradores da protectora de animais de Baiona Bai sen Pulgas: Bea, a mamá de Breixo, que é veterinaria e que nos deu unha interesantísima charla sobre os coidados e responsibilidades necesarios para coidar dunha mascota. E Dani, un adestrador de cans, que nos deu consellos para educar ás nosas mascotas.

O can NANO

O can CHIQUI

A NINFA

Colorín, colorado, este conto non está rematado...

8 DE MARZO: DÍA DA MULLER TRABALLADORA

Por si algunha familia está intereseda en tratar a temática da igualdade entre homes e mulleres, deixo algúns títulos de contos que son moi apropiados para introducir o tema e axudarlle ás nenas e nenos a comprendelo mellor.

Algúns os leremos na aula. Espero que sexa de utilidade.

Unha aperta

«Bule co almorzo, muller», «Bule co almorzo, mamá», dicíanlle o seu home e os seus fillos. Ata que a señora Porcón se fartou e marchou.

Da mítica colección "A favor das nenas", unha historia fabulada que reivindica o rol feminino na sociedade, combate os estereotipos sexistas e denuncia a discriminación. Porque aínda se necesitan obras sobre coeducación e igualdade.

Illada nun xardín, Margarita é a única elefanta do grupo incapaz de acadar que a súa pel sexa de cor rosa caramelo. Cando os seus proxenitores desisten de imporlle ese aspecto, por fin descubrirá o significado da liberdade e abrirá o camiño da igualdade para as súas compañeiras.

No país dos mandóns uns cantos mandan sobre o resto e non permiten que as nenas, as mamás ou as avoas xoguen, saian ou traballen fóra da casa. O cambio desas normas tan inxustas para crear un novo país da igualdade conmemórase o día internacional das mulleres.

Estou segura de que hai moitos máis títulos. Se queredes achegar algún que vos parece interesante e non está nesta entrada, non o dubidedes e deixalo nos comentarios.

PRÉSTAMO DE LIBROS SEMANAL

Para min das actividades máis importantes desta etapa son aquelas que van encamiñadas ao fomento do pracer pola lectura, xa que o interese polos contos implica o interese pola lectura. Deste xeito, grazas á colaboración das familias, que achegaron cada unha delas un conto á aula, temos unha ampla variedade de títulos para escoller que o alumnado pode levar para casa.

O desenvolvemento desta actividade require un arduo traballo por parte do alumnado.

O primeiro que fixemos foi elaborar unha ficha - rexistro para cada un dos contos que temos na aula. Nesta ficha - rexistro veñen recollidos datos como: data de saída do conto, nome da nena ou neno que o leva para casa, data de entrada, título do conto e unha foto da portada. As nenas e nenos foron os encargados de escribir os títulos.

Unha caixa de cartón decorado cos debuxos dos contos será o noso ficheiro onde gardaremos tódalas fichas. Cando o alumnado elixe o conto que quere levar para casa busca nel a ficha - rexistro.

Cando xa teñen a súa ficha - rexistro anotan a data na que se levan o conto, o seu nome e a data na que teñen que devolvelo.

A partir de esta actividade o alumnado desenvolve múltiples habilidades de lectura e escritura, matemáticas, etc. ao mesmo tempo que acadamos o principal obxectivo: "Desenvolver o pracer pola lectura".

¡TI MANDAS, MECO!

O Meco é un mandón!! Pero nós como somos moi ben mandadiños facémoslle moito caso. Así de guapos e guapas estivemos ao longo da semana.

VESTIDOS DE PEREGRINOS

Metímonos moito no papel e camiñamos, e camiñamos ata chegar a Santiago!!!

PREPARADOS PARA APAGAR O LUME...

VESTIDOS DA NATUREZA...

VESTIDOS COMO MÁIS NOS GUSTE!!

O último día fixemos unha merendola para festexar o entroido

FELIZ ENTROIDO A TODAS E TODOS!