Primavera.

Coa chegada da primavera decidimos elaborar un cadro de flores!! Para facelo estampamos cunha alcachofa a parte dos pétalos e despois debuxamos o tallo cun rotulador. 

Así de ben quedaron!!!

Xogo por recunchos.

Os recunchos dentro da aula son espazos moi útiles para que o alumnado xogue libremente á vez que aprende e interactúa cos demais compañeiros/as, interiorizando deste xeito hábitos como compartir, recoller o material, etc. 

Cada mañá escollen o recuncho no que queren estar, tendo en conta que non se pode repetir para así ao longo da semana ir pasando por todos. 

8 de marzo. Día da muller.

Como agora estamos traballando máis a fondo sobre Rosalía, o Equipo de infantil decidimos conmemorar o Día da Muller elaborando unhas caretas de Rosalía de Castro.

A ver quen é capaz de adiviñar que nenos e nenas se atopan baixo estas máscaras?? ;)

Ademais, tódolos alumnos/as e mestres/as do centro, participamos na elaboración do símbolo da igualdade no patio aproveitando o bo día que fixo!

O encargado e o axudante do día teñen unha nova tarefa na asemblea da mañá... Escribir o seu nome no encerado! 

Así de ben o fan! 

Presentacións.

Adriana, a irmá de Valeria, quixo vir a lernos a súa presentación. Pasámolo moi ben escoitándoa e tivemos a oportunidade de preguntarlle moitas cousas!!! O nome de Valeria significa "muller valerosa", gústalle moito xogar con Adriana e tamén aprender moitas cousas dela, como por exemplo bailar, inventar cancións... Ademais contáronnos que teñen un canciño chamado Lolo!!

Breixo é un nome galego do que non se sabe con certeza o seu significado... pode ser "moi certo" ou unha planta chamada "brezo". Falounos tamén do "seu bebé" (a súa irmá Xiana) e do moito que lle gusta coidar dela. Entre as súas aficións está ir á praia, ao parque de bolas, aos contacontos e ao teatro!!

O nome de Iván púxollo a súa nai porque é un nome curto e sinxelo de pronunciar. Ven do latín e significa "Home con bendición divina". Contounos que ten un irmán en camiño que se vai chamar Lucas!! E que lle gusta moito ir ao parque cos seus curmáns e xogar con tractores, motoserras, palas e camións de xoguete!! :)

O nome de Irene é de orixe grega e significa "paz". Falounos da súa irmá pequeniña Uxía e de que ten moitos xoguetes que lle gustan... aínda que o que máis máis é a plastilina!! (e a súa irmá...) :)

Remate do Entroido!!

O día que voltamos ás aulas despois do Entroido tiñamos que despedilo ata o ano que ven... Como o fixemos?? Vindo vestidos de negro ao cole e decidindo entre todos se finalmente queriamos queimar ao Meco ou non! Dixemos que si polo que realizamos unha pequena procesión detras del e queimámolo no patio! 

Agora tócanos esperar un ano para desfrutar de novo do Entroido!!

Meco.

4º Día do meco en honor a Maruja Mallo por pertencer ao movemento das "sin sombreiro", polo tanto tiñamos que traer algo na cabeza!!

Día 5 e último, por fin o Meco deixounos vir disfrazados libremente!! Houbo de todo: cociñeiros, princesas, piratas :)

Despois disfrutamos dunha merendola na aula de usos múltiples cos outros nenos e nenas de Infantil. Comemos, bailamos, divertímonos...!! :)