Conmemoración 25 novembro.

Achégovos un vídeo que se colgou na páxina web do centro cunha actividade que fixemos todos xuntos sobre a historia de Malala.

25 N- Día internacional contra a violencia de xénero.

Para conmemorar o 25 de novembro propuxose dende a biblioteca traballar nas aulas a Malala Yousafzai, gañadora do Premio Nobel da Paz no ano 2014 por defender a educación e o dereito das mulleres de ir tamén á escola.

Coñecimos de xeito simplificado a historia desta rapaza e enseguida nos quedamos co seu nome e cun xesto que fan os rapaces/rapazas de todo o mundo como homenaxe a Malala pola súa labor... que é levantar unha man. 

Nós tamén quixemos darlle as grazas dende a nosa aula:

PROXECTO DINOSAUROS!!

Como a estas alturas xa todos sabedes... este mes de novembro estamos indagando sobre OS DINOSAUROS!! Esta idea xurdiu dos propios nenos/as ao preguntarlles sobre que lles gustaría traballar na escola... e gañou por goleada!!

Antes de nada, agradecer moitísimo a vosa colaboración xa que conseguimos recopilar un montón de material que tiñades por casa. Os nenos/as que trouxeron material ensinábano aos compañeiros/as na aula e facían unha pequena explicación! Estaban moi emocionados!

Déixovos un vídeo con algúns dos materiais...
(Son consciente de que aínda me faltan algúns nenos e nenas por fotografíar co seu material, máis adiante tamén terán o seu oco no blog).

Dinosauros - Kizoa Editar Videos - Movie Maker

As nosas rutinas.

Tódolos días seguimos unha serie de rutinas á hora da entrada na escola, en primeiro lugar está a difícil tarea (aínda que cada vez menos!!) de coller o mandilón e colgar as nosas mochilas e abrigos nos percheiros. Xa unha vez dentro da aula toca outro reto...poñelo e abotoalo nós soíños!! Isto é máis sinxelo dende que coñecemos a "maxia"..... Os nenos/as séntense moi orgullosos cando ven que son capaces de facelo todo eles mesmos :)

As cancións que cantamos sempre na asemblea son as seguintes:

Bos días

E tamén a dos días da semana....

Non sei se xa vos enterastes polos pequenos/as... pero sabemos dar os bos días, dicir os días da semana e incluso falar do tempo que fai  en linguaxe de signos!!! :) isto é posible grazas a colaboración da profe Ana Belén de PT que ven ensinarnos de cando en vez (dedicarei outra entrada máis adiante a este aspecto).

Despois disto o encargado da semana escolle a un ou unha axudante e colocan o día, pasan lista.... Contamos o número de nenos e nenas que estamos na aula, etc.

Un saúdo e ata a próxima entrada!

Experimentamos co punzón.

Descubrimos un novo utensilio: o PUNZÓN!! Pareceunos moi entretido e enseguida lle collemos o truco... trátase dun instrumento indispensable para aprender a coller ben o lapis e tamén para exercer a presión axeitada sobre o papel.

Rasgado de papel

Pero non todo son festas... tamén traballamos arreo na aula! sobre todo a motricidade fina...
Realizamos unha actividade moi divertida de rasgado de papel, despois xuntamos as tiras no centro da asemblea... e como estamos no outono imitamos a caída das follas das árbores... Pasámolo pipa!!!

E só un día despois do Magosto...

Celebramos a festa do Samaín no cole! Viñemos todos disfrazados xa dende primeira hora da mañá...tivemos de todo: esqueletos, cabazas, vampiros, pantasmas, bruxas....
A primeira hora xuntámonos tódolos nenos/as de Infantil e fomos a aula de informática para ver a peli de Monstros SA (creo que nos deu máis risa que medo...!!)
Despois fixemos o taller de "Merendas terroríficas", probamos de todo: Moco de Sapo, Vermes de Bruxa, Sangue de Vampiro e Pantasmas Terroríficas... e temos que dicir que aínda que pareza un pouco repugnante...estaba todo boísimo!!!! :)
Xa despois de recreo fixemos a celebración do Samaín con todo o cole... os nenos/as maiores leron as lendas que recopilamos e despois interpretaron a canción de Medo me dá! Nós tamén a bailamos xa que a traballaramos na aula previamente.

Déixovos a ligazón: https://www.youtube.com/watch?v=aLLFXmwuaj4

Samaín - Kizoa Editar Videos - Movie Maker

Magosto!

E por fin chegou o Magosto!!! aproveitando unha semana de moito sol... Estabamos algo nerviosos/as xa que era a primeira vez que pasabamos a mañá fóra do cole!! e ademais íamos viaxar en autobús!
Finalmente encantounos a experiencia, sobre todo ir vendo a paisaxe dende o bus e a cantidade de cabalos que nos iamos atopando pola subida a Chan da Lagoa.

Pasamolo xenial, xogamos e comemos un montón de castañas!

magosto - Kizoa Editar Videos - Movie Maker

Corre Corre Cabaciña!!

 Os pequerrechos/as tiñan curiosidade polas piñas, landras e follas que atopaban polo patio... por iso decidimos ter unha "caixiña de outono" na aula e así poder experimentar e tocar as diferentes cousiñas que nos proporciona esta estación.

Como non podía ser menos tamén falamos das cabazas... xa que se achegaba o Samaín!! destacar que tivemos moitísima colaboración das familias coas diferentes cabazas decoradas que trouxestes ao cole.

Encantaounos o conto de "Corre corre cabaciña" e todavía máis a súa canción!!!

Déixovos a ligazón: 

:)

Traballamos as emocións co Monstro de cores!

Coñecimos a un personaxe moi especial que nos gustou moito: O monstro de cores! Seguro que a maioría de vós xa o coñecedes... pero para quen non teña o pracer recoméndolle a lectura deste conto...

Os nenos/as enseguida identificaron a cor do monstro coa emoción correspondente, non lles resultou nada complicado.

Despois por grupos pintamos os botes para deste xeito ordear e aprender a recoñecer as nosas propias emocións, colocámolos enriba dos percheiros coas nosas fotos poñendo a expresión característica de cada cor, é dicir:

-Vermello: enfado

-Amarelo: alegría

-Azul: Tristeza.

-Negro: Medo

-Verde: Tranquilidade.


Deixámosvos aquí algunhas fotos do proceso, e tamén un vídeo con algunhas das xeniais fotos coas expresións das emocións.


Esperamos que vos guste.

o monstro de cores - Kizoa Editar Videos - Movie Maker

Nome de aula

Unha vez asentados xa no colexio tiñamos que poñernos un nome de aula para identificarnos nel. Enterámonos que os nenos/as de 5 anos serían Os Picucos, os de 4 anos Os superheroes... e só faltabamos nós!! Puxémonos a pensar e a pensar ata que a un dos nenos ocorréuselle "OS MAGNÍFICOS"; aos demais encantounos e todos estivemos de acordo en chamarnos así, de ahí tamén o nome deste blog.

Un saúdo.

Benvidos ao noso blog!!!

Por fin comezamos a publicar cousiñas por aquí para compartir con vós! Xa fai case dous meses dende que comezamos as clases... (que pasaron moi rápido!) e vivimos xuntos unha morea de cousas dende aquela :)
Deixámosvos un vídeo do período de adaptación, a algúns custounos adaptarnos máis que a outros, pero finalmente todos e todas estamos moi ben adaptados á nova escola e aos novos mestres/as! Durante esas semanas celebramos tamén o aniversario de tres nenos/as! E levamos como premio a portarnos tan tan ben unha medalla.

 Espero que o disfrutedes.

período de adaptación - Kizoa Editar Videos - Movie Maker